Yangiliklar

“DREAM DESIRE” MChJ ning yangi loyihasi bilan tanishildi

Samarqand viloyati hokimi o‘rinbosari Xurshidbek Samiyev Samarqand shahridagi “Nasos uchastkasi” kichik sanoat zonasida “DREAM DESIRE” MChJ tomonidan amalga oshirilayotgan polipropilen qop ishlab chiqarish loyihasi bilan tanishdi.

Xitoyning “DONGLAI” kompaniyasi bilan hamkorlikda amalga oshirilayotgan mazkur loyihaga tashrif doirasida olib borilayotgan qurilish-montaj ishlari, ishlab chiqarish quvvatlarini tashkil etish bo‘yicha rejalashtirilgan texnologik yechimlar hamda zamonaviy uskunalarni o‘rnatish jarayonlari yuzasidan ma’lumot berildi.

Shuningdek, loyihaning amalga oshirilish bosqichlari, ishlab chiqarishni yo‘lga qo‘yish muddatlari, kelgusida yaratiladigan yangi ish o‘rinlari hamda mahsulotlarni ichki va tashqi bozorlarga yetkazib berish istiqbollari muhokama qilindi.

Tashrif yakunida loyihani belgilangan muddatlarda sifatli amalga oshirish, ishlab chiqarishni tez fursatda ishga tushirish va investitsiya majburiyatlarining o‘z vaqtida bajarilishini ta’minlash bo‘yicha tegishli topshiriqlar berildi.

Tadbirkorlar murojaatlari va muammolari joyiga chiqib o‘rganildi

Payariq tumanidagi sanoat zonalarida faoliyat yuritayotgan tadbirkorlik subyektlari bilan ochiq muloqot shaklida uchrashuv o‘tkazildi.

Unda viloyat prokuraturasi bo‘lim boshlig‘i A. Yusupov, Payariq tumani prokurori A. Valiyev hamda Samarqand viloyat sanoat zonalarini boshqarish direksiyasi direktori D. Xabibullayev, shuningdek, tegishli mutasaddi tashkilotlar vakillari ishtirok etdi.

Uchrashuv davomida tadbirkorlar tomonidan ishlab chiqarish faoliyatini rivojlantirish, muhandislik-kommunikatsiya tarmoqlari, infratuzilma, yer va boshqa dolzarb masalalar yuzasidan bildirilgan murojaatlar atroflicha ko‘rib chiqildi.

Har bir murojaat amaldagi qonunchilik talablari asosida muhokama qilinib, ularni ijobiy hal etish yuzasidan mas’ullarga tegishli topshiriqlar berildi hamda ijrosini ta’minlash bo‘yicha aniq vazifalar belgilandi.

Shundan so‘ng mutasaddilar ishtirokida sanoat zonalaridagi ayrim loyihalar va tadbirkorlar faoliyati joyiga chiqib o‘rganildi. O‘rganishlar davomida mavjud muammolarni tezkor bartaraf etish hamda loyihalarning o‘z vaqtida va samarali amalga oshirilishini ta’minlash yuzasidan zarur choralar belgilab olindi.

Samarqand viloyatida mashinasozlik sanoat zonasini barpo etish bo‘yicha ustuvor vazifalar belgilandi

O‘zbekiston Respublikasi Prezidentining 2026-yil 20-apreldagi PQ–145-son qarori ijrosini ta’minlash maqsadida Samarqand viloyatida mashinasozlik sanoatini rivojlantirish bo‘yicha belgilangan vazifalar yuzasidan amaliy yig‘ilish o‘tkazildi.

Yig‘ilishda tegishli mas’ul tashkilotlar hamda hokimlik vakillari ishtirok etib, Kattaqo‘rg‘on tumani hududida 100 gektar maydonda tashkil etiladigan mashinasozlik sanoat zonasini zarur muhandislik-kommunikatsiya infratuzilmasi bilan ta’minlash masalalarini muhokama qildilar.

Muhokamalar davomida hududga elektr energiyasi, tabiiy gaz, ichimlik suvi, avtomobil yo‘llari va boshqa muhandislik tarmoqlarini olib kirish bo‘yicha amalga oshiriladigan ishlar ko‘rib chiqildi.

Yakunda qaror ijrosini o‘z muddatida va sifatli ta’minlash, shuningdek, belgilangan vazifalarni samarali tashkil etish yuzasidan aniq chora-tadbirlar belgilab olindi.

Narpay tumanida sanoat zonalaridagi loyihalar holati tahlil qilindi

Samarqand viloyat sanoat zonalarini boshqarish direksiyasi rahbari D. Xabibullayev tomonidan Narpay tumanidagi sanoat zonalarida faoliyat yuritayotgan tadbirkorlar bilan amaliy uchrashuv o'tkazildi.

Unda Narpay tumani hokimi A. Boliyev, tuman prokurori A. To'ychiyev hamda tadbirkorlik subyektlari vakillari ishtirok etdi.

Uchrashuvda investitsiya loyihalarining amalga oshirilish holati tahlil qilinib, faoliyati to'xtab qolgan loyihalarni qayta ishga tushirish, ishlab chiqarishni boshlamagan tadbirkorlar bilan manzilli ishlash hamda mavjud muammolarni bartaraf etish yuzasidan tegishli topshiriqlar berildi.

Shuningdek, tadbirkorlarning murojaat va takliflari ko'rib chiqilib, ularni hal etish bo'yicha amaliy choralar belgilandi.

Paxtachi tumanidagi “Fay” kichik sanoat zonasida tadbirkorlar bilan ochiq muloqot o‘tkazildi

Samarqand viloyat sanoat zonalarini boshqarish direksiyasi rahbari D. Xabibullayev Paxtachi tumanidagi “Fay” kichik sanoat zonasida faoliyat yuritayotgan tadbirkorlar bilan uchrashuv o‘tkazdi.

Uchrashuvda Paxtachi tumani hokimi Q. Xushbakov, tuman prokurori S. Madjidov, tuman soliq inspeksiyasi rahbari A. G‘iyosov hamda tegishli tashkilotlar mas’ul xodimlari ishtirok etdi.

Ochiq muloqot davomida tadbirkorlar tomonidan ishlab chiqarish faoliyatini yanada kengaytirish, mavjud infratuzilma, yer ajratish hamda boshqa  murojaat va takliflar tinglandi. Har bir masala yuzasidan mutasaddilar tomonidan atroflicha muhokamalar o‘tkazilib, ularni hal etish bo‘yicha tegishli amaliy yordamlar ko'rsatildi.

Shuningdek, hududda amalga oshirilishi rejalashtirilgan investitsiya loyihalari ko‘rib chiqilib, ularni o‘z vaqtida ishga tushirish yuzasidan tegishli topshiriqlar berildi.