Yangiliklar

Samarqand shahrida qadoqlash materiallari ishlab chiqarish loyihasi muvaffaqiyatli amalga oshirilmoqda

Samarqand shahri “Vaksina” IICHB kichik sanoat zonasi hududida joylashgan “GOLDEN CAKE GROUP” QK tomonidan gofrakarton va qadoqlash materiallari ishlab chiqarish loyihasi izchil faoliyat yuritmoqda.

Mazkur loyiha doirasida zamonaviy ishlab chiqarish quvvatlari yo‘lga qo‘yilib, 150 nafar yangi ish o‘rinlari yaratildi. Korxona faoliyati natijasida ichki bozor bilan bir qatorda tashqi bozorlarga ham mahsulot yetkazib berilmoqda.

Xususan, 2025 yil yanvar–noyabr oylarida ushbu korxona tomonidan jami 311,9 ming AQSH dollari miqdorida eksport amalga oshirildi. Bu ko‘rsatkich korxonaning eksport salohiyati va raqobatbardosh mahsulotlar ishlab chiqarayotganidan dalolat beradi.

Mazkur loyiha kichik sanoat zonasida sanoat ishlab chiqarishini rivojlantirish, aholi bandligini ta’minlash hamda hududning iqtisodiy salohiyatini oshirishga xizmat qilmoqda.

Pastdarg‘om tumanida eksport salohiyatiga ega korxona faoliyati o‘rganildi

Pastdarg‘om tumani “Qorag‘uppa” kichik sanoat zonasida joylashgan “NEXT FORUM UZ” MChJ tomonidan mebel mahsulotlari ishlab chiqarish yo‘lga qo‘yilgan. Mazkur korxonada hozirda 80 ta ishchi o‘rni yaratilgan bo‘lib, ishlab chiqarilayotgan mahsulotlar ichki bozorga yetkazib berilishi bilan bir qatorda Qozog‘iston va Turkiya davlatlariga ham eksport qilinmoqda.

Sanoat zonalarini boshqarish direksiyasi direktori tomonidan korxona faoliyati bilan tanishilib, mavjud muammo va takliflar o‘rganildi. O‘rganishlar yakunida aniqlangan masalalarni hal etish bo‘yicha tegishli vazifalar belgilab olindi.

Korxona faoliyatini yanada kengaytirish, yangi ish o’rinlarini yaratish va eksport hajmini oshirish borasida mutasaddi tashkilotlar bilan hamkorlikda zarur chora-tadbirlar ko‘rish rejalashtirilmoqda.

Pastdarg‘om MTP KSZda eksport salohiyati kengaymoqda

Sanoat zonalarini boshqarish direksiyasi rahbari D.Xabibullayev “Diyorabonu Fayz Baraka” tikuv-trikotaj korxonasiga tashrif buyurib, ishlab chiqarish jarayonlarini rivojlantirish va eksport hajmini oshirish bo‘yicha ishlar bilan tanishdi.

Korxona ayollar va bolalar kiyimlariga ixtisoslashgan bo‘lib, dastlab ichki bozor talabini qondirgan. Bugungi kunda esa Rossiya, Turkiya va Qozog‘iston bozorlariga mahsulot yetkazib berish bo‘yicha eksport shartnomalari imzolandi.

Kengayish natijasida ish o‘rinlari soni 200 taga yetkazildi, bu esa xotin-qizlar bandligini oshirish va hudud aholisi uchun barqaror ish o‘rinlarini yaratishda muhim qadam hisoblanadi.

Loyiha Pastdarg‘om tumanida sanoat salohiyatini mustahkamlash, eksport ko‘rsatkichlarini oshirish va mahalliy mahsulotlarning xalqaro bozordagi raqobatbardoshligini ta’minlashga xizmat qilmoqda.

Sariqtepa kichik sanoat zonasida yo‘l infratuzilmasi yaxshilandi

Samarqand viloyat prokuraturasi tashabbusi bilan Sanoat zonalarini boshqarish direksiyasi hamkorligida Sariqtepa kichik sanoat zonasida yo‘l infratuzilmasini yaxshilash bo‘yicha ishlar amalga oshirildi.

Loyiha doirasida uzunligi 420 metr, eni 5 metr bo‘lgan ichki yo‘l barpo etildi. Mazkur ishlarni moliyalashtirish uchun Tadbirkorlik infratuzilmasini rivojlantirish jamg‘armasi hisobidan 334 million so‘m mablag‘ ajratildi.

Ushbu infratuzilma loyihasi sanoat zonasida faoliyat yuritayotgan tadbirkorlar uchun qulay sharoit yaratib, ishlab chiqarish va logistika jarayonlarining samaradorligini oshirishga xizmat qiladi.

Narpay tumanida kichik sanoat zonasi tadbirkorlari muammolari o‘rganildi

Sanoat zonalarini boshqarish direksiyasi rahbari D. Xabibullayev, Narpay tumani hokimi A. Boliyev hamda tumandagi tegishli mutasaddi tashkilotlar ishtirokida kichik sanoat zonasi tadbirkorlari bilan uchrashuv o‘tkazildi.

Uchrashuv davomida tadbirkorlarning mavjud muammo va takliflari tinglanib, ularni hal etish bo‘yicha aniq chora-tadbirlar belgilab olindi. Xususan, infratuzilma, yer hujjatlari va ishlab chiqarish faoliyatiga to‘sqinlik qilayotgan masalalar yuzasidan mas’ullarga tegishli vazifalar yuklatildi.

Mazkur uchrashuv kichik sanoat zonasida tadbirkorlik faoliyatini yanada rivojlantirish hamda qulay ishbilarmonlik muhitini yaratishga xizmat qilishi ta’kidlandi.

Paxtachi tumanida “Fay” MFY hududida joylashgan sanoat zonasiga asfalt yotqizildi

Paxtachi tumani, “Fay” MFY hududidagi “Ziyovuddin A.J. Toshkenjayev paxta tozalash punkti”kichik sanoat zonasida yo‘l infratuzilmasi yangilandi.

Asfalt yotqizilgan yo‘l sanoat zonasi korxonalari va yuk avtomashinalari uchun muhim hisoblanadi — endilikda tashqi va ichki yetkazib berishlar tezligi va xavfsizligi yaxshilanadi.

Loyihaning ijobiy jihatlari:

• Yo‘lning umumiy uzunligi: 317 metr.

• Sarflangan mablag‘: 248,3 mln so‘m (yo‘l infratuzilmasi va asfalt qoplamiga yo‘naltirilgan).

• Natija: yuk va iste’mol transporti uchun o’tkazuvchanlik oshadi, transport xarajatlari kamayadi, sanoat zonasi infratuzilmasi yaxshilanadi.

Paxtachi tumanida amalga oshirilgan bu kabi infratuzilma chora-tadbirlari mahalliy tadbirkorlar va ish o‘rinlari uchun qulay sharoit yaratadi.

Paxtachi tumanidagi kichik sanoat zonalarida loyihalar o‘rganildi

Samarqand viloyat sanoat zonalarini boshqarish direksiyasi direktori D. Xabibullayev Paxtachi tumanidagi “Burqut”, “Xayit Elbegi” va “Ziyovuddin A.J. Toshkenjayev paxta tozalash punkti” kichik sanoat zonalarida amalga oshirilayotgan ishlarni o‘rgandi.

Tashrif davomida qurilish jarayonlari, mavjud loyihalarning borishi, shuningdek, to‘xtab qolgan va boshlanmagan tashabbuslarning sabablari ko‘rib chiqildi. Aniqlangan masalalar bo‘yicha mas’ullarga ularni bartaraf etish yuzasidan tegishli topshiriqlar berildi.

Olib borilgan tahlillar asosida loyihalarni jadallashtirish va zarur sharoitlarni yaratish bo‘yicha qo‘shimcha vazifalar belgilandi.